Rammler der Woche Abstimmung

Wenn de car scho nach 1000m muess e Vollbräms riskiere, de warschiindli well eine hed welle de Bode Paniere. Well das im Fahrer ned so passt, macht mer z Büre schoweder Rast. De Rögi, voller Tatedrang, hed welle botze ond dezue e Schluch benotze. Voll Motivation ond engagiert, hed er das Teil mou usprobiert. Wasser marsch ond ohni bedänke, duet är sech jedoch sälber tränke. Das Teil de rechtig wäg id Händ näh, esch leider ned jedem gäh. Dorom esch de Roger zo eusem Spass, vo obe bes onde nass.

Und die Moral von der Geschicht: Falls Wasser nur so spritzt, so schau dass du am richtigen Ende sitzt.

D' Chenderfasnacht esch voll im gange aber före Raphi esches z'sträng also goder es halbstöndli is Lager abe go schlofe ohni dases öpper weiss. Ond am Obe währedem Battle Uftrett wo die andere Gugge s letschte Lied spöut, dänkter är esch e schlaue ond god grad sini Posune go versorge. Woner de aber plötzli vo wiitem här s'lied Partyplanet

ghört, merkter das de Uftrett nonig verbi esch. Är hed dorom s Instrument schnell

versorget ond esch zackig zo de Böhni gloufe. Vor de Böhni acho heder de aber mösse merke daser jo gar keis Guggi meh hed wöuers grad vori versorget hed... zom Glöck hed die ander Gugge ehm e Posune usglehnt ond er hed de die letschte paar Tön au no chönne metspele. Wöuer sech aber zwöimol vor sine Pflichte dröckt hed, heder de

Mantu verdient.